Mia ist eine richtig elegante Schönheit. Sie stammt wie ihre beiden Schwestern aus einem Wurf einer Kätzin, welche ihre Jungen auf einem Bauerhof geboren hat und dann wieder weiter gezogen ist.
Die Katzendamen kamen erst mit 6 Monaten zu uns. Vorher hatten sie nur wenig Kontakt mit Menschen.
Mia hat noch Mühe mit der Zuneigung, die Menschen ihr entgegenbringen und sie bevorzugt es alleine zu sein. Mit anderen Katzen hat sie aber keine Probleme.
Nun hat Mia ein neues Zu Hause bei verständnisvollen Menschen gefunden. Ebenfalls hat sie eine Katzenkollegin, mit welcher sie schon Bekanntschaft gemacht hat. Die beiden Katzendamen müssen sich sicher noch aneinander gewöhnen. Als erstes hat sich Mia in ihrem neuen Zuhause ein sicheres Versteck gesucht, von wo aus sie alles beobachten kann.
Wenn sie sich eingelebt hat, kann sie zusammen mit ihrer neuen Freundin die Umgebung erkunden und die Freiheiten eines schönen Katzenlebens geniessen.
Neuigkeiten von Mia 17.03.2008
Hie isch d'Mia wie gseit ig lose jetz ufe Name Lucia, dä ha ig mir sälber usgsuecht u ig bi da ganz stoutz druf!
Mittlerwille bi ig äs richtigs grosses verschmusts Lusmeitli worde! Ig liebes näbe mim Froueli ufem sofa z'lige u mir so richtig der Buch lo chräbele, schnurrr... das ha ig sooo fescht gärn, u vor eire wuche ha ig entdeckt das das im Bett näbe mim Froueli ou so sehr bequem isch!
Schüsch ha ig viu lustigi Sache im Chopf! Am liebschte verrisse ig z'Fernsehheftli i 10'000 chlini Bitzli u dekoriere dermit di ganzi Wohnig, u de ga ig no usse ga Moos u moorsches Holz hole u verhützle das ouno der zu! Ig säge öich, das gseht aube ganz lustig us u macht mir sooo... viu spass! Guet mis Froueli het den aube nid so fröid, we si hei chunt u das gseht aber si mues de aube glich lache u isch mir nie lang bös! Ig hocke ou gärn ufem Balkon vo dert ha ig ä guete überblick über aues u cha zu glich d'Sunne gniesse!
We ig de aube übere Chirschiboum vorem Balkon abe ga u vor luter interessante Sach wos z'entdecke git zyt vergisse, den rüeft mir aube mis Froueli, u de ga ig aube grad hei u den wirde ig ganz fest grüehmt, wüw ig so guet fouge!
Mit mire Fründin der Melody chume ig super us, mängisch ga ig ihre zwar chlei uf d'Närve mit mire übermüetigeart! We ig dusse am ume tobe bi, passt si aber geng uf mi uf u beschützt mi!
Mir geits hie in Aarberg würklech sehr guet, u ig wirde geng wie zuetroulecher u mache au Tag chlini Vortschritte! Ig wirde mi sicher wider bi öich mäude u vo mine Abentür verzeue natürlech ou ume mit Fotine begleitet!
Ig danke öich no einisch vo ganzem Härze, das Dir mi heit grettet u mir so äs guets Deheime heit gfunge!
Ganz äs dickes MIAU..., u liebi Katzegrüess as ganze Team vor Lucia (Mia) |
